كبة مقلية وتومية ولبنيه شهية مع هدية من مطبخي بالصور

**✿◦» سُـمُـوو الأَمِـيرَهْـ !**

السلام عليكم ورحمة الله وبركاته

[ندعوك للتسجيل في المنتدى أو التعريف بنفسك لمعاينة هذه الصورة]

حبيت قدملكم مجموعة كبب الشهية من مطبخي بمناسبة الملف المميز [ندعوك للتسجيل في المنتدى أو التعريف بنفسك لمعاينة هذه الصورة]

ان شاء الله بتعجبكم وبتجربوها وطبعا بتدعولي

الكبة

عجينة الكبة

كيلو برغل ناعم
ربع كيلو هبرة
ملعقتين طحين
ملح كمون فلفل اسود مجروش
حبة بصل كبيرة
ماء للعجن
طريقة تحضير عجينة الكبة

ينقع البرغل في ماء بارد لربع ساعة يطحن مرتين مع البصلة بمكنة الكبة ومرة ثالثة مع الهبرة
ثم يدعك مع الملح والكمون والطحين حتى تتماسك مع اضافة الماء على ان يكون بارد طبعا يضاف على دفعات حتى تتماسك
ا انا هون ما عندي مكنة فدعكتها ع ايديي لحتى تكسرو[ندعوك للتسجيل في المنتدى أو التعريف بنفسك لمعاينة هذه الصورة] طبعا ضليت عم ادعكها شي تلت ساعة متواصلة بس الهبرة طحنتها بمفرمة اللحمة الصغيرة تذكرت تي وترحمت عليها قلت شو كانو يتعذبو بالكبة هههههههههه

منجي للحشوة

نص كيلو لحمة ناعمة
بصلة متوسطة مفرومة
كوب مكسرات (جوز ولوز وصنوبر )
ملح وفلفل اسود وبهار حلو

تحمس اللحمة في مقلاة مع رشة ملح ثم تضاف البصلة المفرومة وتقلب حتى تذبل وترفع عن النار وتضاف البهارات والمكسرات

[ندعوك للتسجيل في المنتدى أو التعريف بنفسك لمعاينة هذه الصورة]

الكبة المقلية الدراويش
بصراحة انا ايديي ناعمين وصعب كتير اعملها ع اصبعي وما عندي مكنة حتى يكون عندي قالب فشوفو شو عملت [ندعوك للتسجيل في المنتدى أو التعريف بنفسك لمعاينة هذه الصورة]

اخدت شقفة من العجينة وكورتها وحطيتها على كيس
وحطيت فوقها كيس تاني
وجبت صحن عادي
وحطيتو فوق الكرة وضغطت عليه يعني خليت قفا الصحن على الكرة (لانو متلا ما بتلاحظو الصحن من الاسفل الو شكل قرص

وبعدها حطيت ملعقة من الحشوة على القرص وبليت ايديي وسكرتها من الاطراف لحتى حصلت على شكل الدرويييييييييييييييييييش

[ندعوك للتسجيل في المنتدى أو التعريف بنفسك لمعاينة هذه الصورة]

وممكن تعمليه على شكل اقراص بانك تعملي قرصين بنفس الطريقة وتحطي ملعقة حشوة على الاول وتحطي القرص التاني فوقو وتبلي ايديكي بالماء وتسكري القرص من الاطراف

وهاي الصنية الي عملتها

[ندعوك للتسجيل في المنتدى أو التعريف بنفسك لمعاينة هذه الصورة]
وتقلى بزيت غزير بس لازم يكون الزيت حامي وبعدها بتقلي لانو اذا كان الزيت بارد بتفرط الكبة وبتتفتت

تفضلوا مدو ايديكن لا تستحو

[ندعوك للتسجيل في المنتدى أو التعريف بنفسك لمعاينة هذه الصورة]

الكبة المقلية الكذابة

ما بدها حشوة بس بتضيفي للعجينة تبعها رشة كزبرة ناشفة وفليفلة حمرا يابسة مطحونة وكمون وبتشكليها على شكل اقراص
بتوتي بتحبها كتير من شان تحافظ على وزنها ههههههههههههه

وتقلى بزيت غزير

[ندعوك للتسجيل في المنتدى أو التعريف بنفسك لمعاينة هذه الصورة]

يتبع باذن الله

**✿◦» سُـمُـوو الأَمِـيرَهْـ !**

عـــــــــــــــــــدنا

الكبة بثوم

المقادير

حشوة الكبة المقلية
عجينة كبة مجهزة
سنين ثوم
ماء للسلق
ملح
ملعقة دبس رمان
ملعقة دبس فليفلة
ملعقتين زيت زيتون

تشكل عجينة الكبة على شكل كور صغيرة بعد حشوها بحشوة الكبة العادية على ان تكون كمية المكسرات نفس كمية اللحمة
يغلى ماء في قدر ثم تضاف كور الكبة وتترك مدة ربع ساعة على نار عالية ثم ترفع الكور بمصفاة وتترك لتبرد
مع الاحتفاظ بمرق السلق
عندما تبرد الكبة ومرق السلق
نأتي بالمرق ونضيف له الثوم بعد هرسه ودبس الفليفلة ودبس الرمان وتحرك جيدا
ثم تضاف كور الكبة
وتضاف ملعقتين زيت الزيتون على الوجه

هاي الكبة لوحدها حكاية ممممممم

[ندعوك للتسجيل في المنتدى أو التعريف بنفسك لمعاينة هذه الصورة]

الكبة اللبنية

طور الكبة بتتشكل بنفس عجينة الكبة المقلية ونفس الحشوة
مقادير اللبن
ربع كيلو لبن
بيضة
ملح
ماء
ربع كاسة شاي رز قصيييييييييييير
تكور الكبة على شكل كور بعد حشوها بالحشوة
في طنجرة تخلط البيضة مع اللبن وتحرك جيدا ثم ترفع على النار وتحرك باستمرار وباتجاه واحد حتى الغليان ثم يضاف الماء بين الحين والاخر حتى يغلي وتضاف كور الكبة مع الرز (مع لاسف متل ما نكن شايفين استعملت رز طويل وشوفي شلون نفش وصار ضعف الكمية وصار قوام اللبنية تقيل ولذلك اكدت انو الرز لازم يكون قصير واذا مافي بلاه احسن )

ويترك على النار عالية لمدة نصف ساعة
ثم تسكب وتقلى بتوم وكزبرة في ملعقتين سمنة او زيت نباتي انا هون ما علمت التقلاية لانو الكبة لحالها ما بخلي زوجي ينام من الحموضة وفوقها تقلاية فرحمتو شويةهههههههههه

وهاي السفرة كلها ومن ايد شهودة لا تخجلوها اطيب قرص[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

وهاي المخلل للي بحبو الحــــــــــــــــار

[ندعوك للتسجيل في المنتدى أو التعريف بنفسك لمعاينة هذه الصورة]

يتبع باذن الله مع الهدية

**✿◦» سُـمُـوو الأَمِـيرَهْـ !**

اليالنجي

ومين ما بحب اليالنجي
تفضلوا
[ندعوك للتسجيل في المنتدى أو التعريف بنفسك لمعاينة هذه الصورة]

المكونات

ورق عنب

للحشوة
كاستين رز قصير
كاسة بقدونس مفروم
حبتين بندورة مفرومة
بصلة متوسطة مفرومة ناعم
ملعقتين زيت زيتون
ملعقتين دبس رمان او حمض ليمون حسب الرغبة او المتوفر بس بدبس الرمان الذ
فلفل ابيض واسود وبهار حلو وملح ملعقة قهوة تركية او نسكافيه
لوز مقشر او حمص انا بحب التنين وبحطتهن التنين بس بعد فصل الفلقات تبعها لسهولة لف الورق
للمرق
ملعقة دبس بندورة
كوب حمض ليمون او نف كوب دبس رمان
ماء كافي للطهو

الطريقة
يغلى ورق العنب لمدة عشر دقايق
يلف ورق العنب بفرد الورقة ووضع القليل من الملعقة من الحشوة وتثني من الطرف العلوي ثم الجوانب وتلف باتجاه الامام
تجهز الطنجرة بوضع خضار مقشرة ومقعطة حسب الرغبة اي خضار بتحبيها

ثم يرتب اليالنجي بالطنجرة ويضاف المرق بعد خلط مقاديره ووضع ثقل فوق اليالنجي
انا بطبخه بالضغط
بشغل النار تحته وبخليه يغلي نصف ساعة على نار هادية وبعدها بغلق الطنجرة وبخليها عشر دقايق تصفر وبكون صار تمام
يرتب في صحن التقديم ويقدم بااااااااااااااااااااارد والف عافية

[ندعوك للتسجيل في المنتدى أو التعريف بنفسك لمعاينة هذه الصورة]
والسلام
بعد ما اسمع دعوة حلوة منكن [ندعوك للتسجيل في المنتدى أو التعريف بنفسك لمعاينة هذه الصورة]

بحبكن في الله [ندعوك للتسجيل في المنتدى أو التعريف بنفسك لمعاينة هذه الصورة]

منقول

**عضو/ـه متوآصلـ/ـه**

[ندعوك للتسجيل في المنتدى أو التعريف بنفسك لمعاينة هذه الصورة]

**..{ المـديـره الـ ع ـــامه**

[ندعوك للتسجيل في المنتدى أو التعريف بنفسك لمعاينة هذه الصورة]

**✿◦» سُـمُـوو الأَمِـيرَهْـ !**

ولاء كتب:: [ندعوك للتسجيل في المنتدى أو التعريف بنفسك لمعاينة هذه الصورة]

:طط:

**✿◦» سُـمُـوو الأَمِـيرَهْـ !**

حنين الشوق كتب:: [ندعوك للتسجيل في المنتدى أو التعريف بنفسك لمعاينة هذه الصورة]

:طط:

**عضو/ـه متوآصلـ/ـه**

:شكراااااااااا:

**✿◦» سُـمُـوو الأَمِـيرَهْـ !**

تسلمي ع المرور حبيبتي و كثر من امثالك

**عضو/ـه مشرقـ/ـه**

[ندعوك للتسجيل في المنتدى أو التعريف بنفسك لمعاينة هذه الصورة]